မတရားသောမေထုန် ၊ ညစ်ညူးစကား ၊ လိမ်လည်ခြင်းမှ လွှတ်မြောက်သူများအားလုံး

0 Reviews / Post a Review Avaliability Product Avaliable For Sale

တရားဟောချက်များ

QUICK OVERVIEW:

Add to Cart View Cart Checkout

ဆရာဦးဇော်မင်း နှုတ်ကပတ်တော်

 (မြန်မာခရစ်ယာန်မိတ်သဟာရ အသင်းတော်၊ ဘန်ကောက်မြို့၊ မေလ ၄ရက်၊ ၂၀၁၄)
 

ဆရာတူးဂျာနဲ့ဆရာမန်းထွန်းမြတို့ ဂျပန်မှာရောက်နေပါတယ်။ ၂ပတ်လုံး မရှိပါဘူး။ ဟိုမှာ နှုတ်ကပတ်တော်ဝေင၊ှ၊ သင်တန်းပေးခြင်းများ လုပ်ကြမှာ ဖြစ်ပါတယ်။ အသင်းတော် ညီအစ်ကိုမောင်နှမတွေ ဆက်လက်ပြီး ဆုတောင်းခြင်းအားဖြင့် သတိရဖို့ ပြောချင်ပါတယ်။ ပြီးတော့ ဆရာခင်မောင်တင့်တို့အဖွဲ့တွေ ထိုင်းနိုင်ငံဘန်ကောက်ကို ရောက်နေပါတယ်။ အခု ဖူးခက်ကို သွားနေပါတယ်။ လာမဲ့ သင်္ကြန် ၃ရက်သင်တန်း စတော့မှာဖြစ်တဲ့အတွက် ဆက်လက်ပြီးတော့ ဆုတောင်းခြင်းနဲ့ ဆပ်ကပ်ရန်ဖြစ်ပါတယ်။ လူပေါင်း၁၀၀ကျော် ပါဝင်ရန်လျှောက်ကြပါတယ်။ လက်ခံနိုင်မှု ကန့်သတ်ထားတဲ့အတွက် ရွေးချယ်တဲ့နေရာမှာ ဘုရားသခင်လမ်းပြနိုင်ရန် ဆုတောင်းပေးဖို့ ပြောချင်ပါတယ်။ အားလုံး လောကကြီးရဲ့အကောင်းဆုံးအရာများအတွက် ဆိုတဲ့ သီချင်းကို အတူသီဆိုချီးမွမ်းရန်ဖြစ်ပါတယ်။ နှုတ်ကပတ်တော်ရဲ့ ကောင်းမြတ်ခြင်းများကို ခံယူကြဖို့ဖြစ်ပါတယ်။

ရှင်ပြန်ထမြောက်ခြင်းရဲ့ တန်ခိုးကြောင်း ကျွန်တော်တို့ ကိုးကွယ်ဝတ်ပြုခြင်း ဖြစ်ရပါတယ်။ လူအဖြစ် အကန့်အသတ်ထဲမှာနေရသော်လည်း၊ အကန့်အသတ်မဲ့သော ဘုရားက ကျွန်တော်တို့အထဲမှာ လာရှိနေသောကြောင့် ကျေးဇူးတော်ချီးမွမ်းပါတယ်။ ဘုရားသခင် လူကိုဖန်ဆင်းတဲ့အခါ မြေကြီးကိုယူပြီး ဖန်ဆင်းပါတယ်။ ကုန်ကျစရိတ်မရှိပါဘူး။  အာဒံနဲ့ဧဝတို့ကို ဖန်ဆင်းပြီး သာယာတဲ့လောကကြီးထဲ နေထိုင်စေပါတယ်။  လူသားတွေရဲ့ အပြစ်ကြောင့် ပျက်စီးခဲ့မှုများမှာ ကျွန်တော်တို့ကို ကိုယ်တော် ဘယ်လောက်ချစ်သလဲဆိုတော့ လူသားအဖြစ် ယေရှုကိုယ်တိုင်ရောက်လာပြီး ကယ်တင်ခဲ့ပါတယ်။  လူသားတွေကို ချစ်သောကြောင့် ငါ့ရဲ့သားတော်ကိုမနှမျောပဲ လူသားတွေကို ပြန်လည်ရွေးကောက်တယ်..လို့ဆိုပါတယ်။ တန်ဖိုးမဖြတ်နိုင်သော သားတော်ကိုပေးဆပ်ပြီး ချစ်ပါတယ်။ ဇော်မင်းကို ဘယ်လောက်ချစ်သလဲဆိုတော့ သားတော်ကို စွန့်လွှတ်ပြီးတော့တောင် ပေးဆပ်ချစ်ခဲ့ပါတယ်။

ရခိုင်၊ခမြိုတွေက သူတို့လူမျိုးအတွက်၊ ကရင်တွေလည်း သူတို့အမျိုး အကျီ င်္ကိုဝတ်ပြီး ဂုဏ်ယူကြတယ်။ အမေရိကန်ကို သွားစဉ်က ကရင်မိတ်ဆွေတစ်ခု ကရင်အကျီ င်္အနီဝတ်ပြီး လေဆိပ်မှာလာကြိုပါတယ်။ လူမျိုးကိုချစ်ကြပါတယ်။

သို့သော်ရှင်ပြန်ထမြောက်ခြင်းကို ခံစားပြီးတော့ လူမျိုးကိုချစ်တာထက် ပိုတဲ့ဘုရားရဲ့ ချစ်ခြင်းမေတ္တာကို ခံစားရပါတယ်။

ရှင်လုကာ ၉၊ အငယ်၂၃မှာ တပည့်တော်တွေကို ပြောတဲ့စကားရှိပါတယ်။ ထိုမှတပါး လူအပေါင်းတို့အား မိန့်တော်မူသည်ကား ငါ၌ဆည်းကပ်လိုသောသူဖြစ်လျှင် ကိုယ်ကိုကိုယ် ငြင်းပယ်ရမည်။ ကိုယ်လက်ဝါးကပ်တိုင်ကို နေ့တိုင်းထမ်း၍ ငါ့နောက်သို့လိုက်ရမည်။

ဒီကနေ့ ကိုယ့်သားသမီးတွေက အဖေအမေကို သိပ်သိတဲ့အတွက် စကားနားထောင်တာရှိသလို၊ နားမထောင်တာတွေလည်း ရှိပါတယ်။ ချစ်ကြောက်တဲ့အပေါ်မှာ မူတည်ပြီးတော့လည်း နားထောင်တာတွေ ရှိပါတယ်။ ဒီလိုပါပဲ ကျွန်တော်တို့မှာ ဘုရားကိုချစ်ပြီးတော့ နားထောင်ရတဲ့အပိုင်းရှိသလို ဘုရားကိုကြောက်ရွံ့ပြီးတော့ နားထောင်ရတဲ့အပိုင်းတွေ ရှိပါတယ်။ ကြောက်ရွံ့တယ် ဆိုတာ ချစ်ပြီး၊ လေးစား၊ ကြောက်ရွံ့တာကို ပြောတာဖြစ်ပါတယ်။ 

သခင်ခရစ်တော်ကို ငါ၌ဆည်းကပ်လိုသောသူဖြစ်လျှင် ကိုယ်ကိုကိုယ် ငြင်းပယ်ရမည် ..လို့ပြောတာ၊ ငါ့ကို သခင်လို့ဝန်ခံရင် လို့ဆိုပါတယ်။ အလုပ်ခန့်ရင် ကြိုက်ကြိုက်၊ မကြိုက်ကြိုက် အလုပ်စည်းကမ်း၊ အဝတ်အစားများ ဝတ်ဆင်လုပ်ကိုင်ရပါတယ်။ ဒီလိုပါပဲ ငါ၌ဆည်းကပ်လိုသူဖြစ်ရင် ကိုယ်တော်အလိုအတိုင်းဖြစ်ရပါမယ်။ ကိုယ့်အလိုကို ငြင်းပယ်ရပါမယ်။ ဒီကနေ့ ဘုရားသခင်ရှာတာက ဘုရားအလိုတော်ကို လိုက်ရှောက်ချင်တဲ့လူ ရှာခြင်းဖြစ်ပါတယ်။

ဆရာ မြန်မာပြည်မှာ ဝိညာဉ်တိုက်ပွဲ များစွာလုပ်ခဲ့သူနဲ့ ဆုံတွေ့ပါတယ်။ ထမင်းစား၊ လေဆိပ်လိုက်ပို့ရင်း သူပြောသွားတဲ့ စကားကို အမှတ်ရပါတယ်။ မြန်မာပြည် ဝိညာဉ်ရေးမှာ အပိုင်း(၃)ပိုင်းရှိကြောင်း၊ ပြောသွားပါတယ်။ နံပါတ်(၁) - ဝိညာဉ်ဆိုးတည်ရှိတဲ့နေရာတွေကို ဦးစွာ ယေရှုနာမနဲ့ ရှင်းလင်းရန်ဖြစ်ပါတယ်။ အဲဒါလုပ်ပြီးသွားပြီ ဖြစ်ကြောင်း ပြောပါတယ်။ နံပါတ်(၂) အချက်က အဲဒါတွေမရှိတော့တဲ့အတွက် အသင်းတော်တွေ နိုးထလာမဲ့အကြောင်း၊ မြန်မာပြည်ကြီးက သာ၍နိုးထလာမဲ့အကြောင်း၊ ဝိညာဉ်ဆိုးမရှိတော့တဲ့အတွက် နိုးထမှု၊ ဆာငတ်မှုတွေ အများကြီးဖြစ်လာမဲ့အကြောင်း၊  ယခုကာလဖြစ်ပါတယ်။ အသင်းတော်များမှာ နှုတ်ကပတ်တော်ကို ကျွေးမယ်ဆိုရင် ရာ၊ ထောင်နဲ့ချီပြီး လာကြပါတယ်။ နံပါတ်(၃)အချက်က နှုတ်ကပတ်တော်နဲ့ လိုက်လျောက်တဲ့ကာလဖြစ်ပါတယ်။ Character (ကိုယ်ကျင့်တရား၊ စာရိတ္တ) ဘုရားသခင်ရှေ့မှာ ဖြောင့်မတ်သောသူ၊ ဝိညဉ်တန်ခိုးနဲ့ကြီးမားစွာ လုပ်မဲ့သူ၊ နှုတ်ကပတ်တော်အတိုင်းသွန်သင်တဲ့ အသက်တာ ကို ရောက်ဖို့ဖြစ်တယ်လို့ ဆိုပါတယ်။  နှုတ်ကပါတ်တော်ကို သင်မဲ့လူတွေ မြောက်မြားစွာ လာလိမ့်မယ် လို့ပြောဆိုပါတယ်။

ဒီအသင်းတော်မှာလည်း နိုးထမှုတွေ ရောက်လာပါတယ်။ သို့သော် ကိုယ်ကိုယ်ကို ငြင်းတဲ့အသက်တာ ၊ ဘုရားရှင်ရဲ့အလိုတော်က ကျွန်တော့အတွက် ဖြစ်တယ်လို့ ဝန်ခံတဲ့အသက်တာ သာ၍လိုလာပြီ ဖြစ်ပါတယ်။

အလုပ်ကို လာရင်၊ ဘယ်လိုဝတ်လာရမယ်၊ တာဝန်တွေရှိပါတယ်။ အဲဒါတွေပြီးမှာ လကုန်မှ လခထွက်ပါတယ်။ ကိုယ်ကိုယ်ကို ငြင်းပယ်ခြင်း ဆိုတာ ခရစ်တော်ရဲ့ သွန်သင်ချက်တွေနဲ့ သွားလာတဲ့အသက်တာကို ပြောတာဖြစ်ပါတယ်။

ကောလောသဲ (၃း၁၀) ကို ကြည့်ရင် သာ၍ နားလည်နိုင်ပါတယ်။ သင်တို့သည် လူဟောင်း၏ အကျင့်တို့နှင့် လူဟောင်းကို ကိုယ်ကိုချွတ်ပယ်၍ ဖန်ဆင်းတော်မူသော ပုသဏ္ဍန်နှင့်အညီ မှန်သောပညာအားဖြင့် အသစ်ပြုပြင်သော လူသစ်ကို ယူတင်ဝတ်ဆောင်သူ ဖြစ်ကြ၏။

ခရစ်တော်ကို ယူတင် ဝတ်ဆောင်သော အသက်တာကို ပြောတာဖြစ်ပါတယ်။

ဗတ္တိဇံမင်္ဂလာခံပြီးသူများ အမှတ်ရဖို့က၊ ကိုယ်တော်ဟာ ကျွန်တော့သခင်ဖြစ်တယ်ဆိုတာ ဝန်ခံထားခြင်း ဖြစ်ပါတယ်။ ကြိုက်ကြိုက်၊ မကြိုက်ကြိုက် သင်ခံထားပြီးသား ဖြစ်တယ်။ ကိုယ်တော်ဟာ ကျွန်တော့သခင်ဖြစ်တယ်ဆိုတာ ဝန်ခံထားပြီးသားဖြစ်တဲ့အတွက် ခရစ်တော်တည်းဟူသော ဝတ်စုံအသစ်ကို ဝတ်ထားပြီးဖြစ်ပါတယ်။ သွားလာ၊ လုပ်ဆောင်၊ စကားပြောဆိုခြင်း အရာခပ်သိမ်းဟာ ကိုယ်တော့အလိုသာ ဖြစ်ရပါမယ်။

ခရစ်တော်ကို လက်ခံထားတဲ့အတွက် ငရဲသွားစရာမရှိ၊ ကောင်းကင်ဘုံသွားရမှာဖြစ်ပြီး ရေ၊ ဗတ္တိဇံခံယူထားတဲ့အတွက် တန်ခိုးလိုပါတယ်။ အဆင့်ဆင့် သွားရပါမယ်။

ဆရာဦးအောင်သက်ညွန့်ဦးဆောင်ပြီး၊ ဆရာမဒေါ်ခင်နှင်းဝေ..အသင်းတော်တွေ အားလုံး ဂိုဏ်ဂနမျိုးစုံ ဆုတောင်းကြတဲ့အခါ ၁၀နှစ်ကြာချိန် ဘုရားမြင်ပါတယ်။ ဂိုဏ်ဂန ခံယူချက်လေးတွေ မတူပေမဲ့ တူညီတဲ့ဘုရားကို ဆုတောင်းဝတ်ပြုတဲ့အခါ ဘုရားမြင်ပါတယ်။ ဒီကနေ့အထိလည်း ဆုတောင်းနေဆဲဖြစ်ပါတယ်။ ဆုတောင်းခြင်းများနဲ့ ဝိညာဉ်ဆိုးတွေကို ချည်နှောင်တဲ့အခါမှာ မြန်မာပြည်ကြီး လွတ်ခြင်းရလာပါပြီ။ သမ္မာတရားအောက် မြန်မာပြည်ကြီးနိုးထခြင်း မြောက်များစွာ ဖြစ်လာပါတယ်။ နိုးထခြင်းနောက်ပိုင်းမှာ ယုံကြည်သူများဟာ နှုတ်ကပါတ်တော် သိကြွမ်းတဲ့ လုပ်ဆောင်ခြင်း၊ ပြောဆိုခြင်းများဟာ ဘုရားကောင်းကြီးပေးမှုတွေ ဖြစ်လာပါမယ်။

ကောလောသဲ ၃း၁ ကို မီးမောင်းထိုးပြချင်ပါတယ်။ သိပ်အရေးကြီးတဲ့အတွက်ဖြစ်ပါတယ်။ အထက်ဆိုခဲ့ပြီးသည့်အတိုင်း သင်တို့သည် ခရစ်တော်နှင့်အတူ ထမြောက်ကြပြီးသည့်နောက်ပိုင်း ဘုရားသခင်၏ လင်္ကျာတော်ဘက်မှာ ခရစ်တော်သည် ထိုင်နေတော်မူလျှက် ရှိသော အထက်အရာကို ရှာရမည်။  အေမင်...။

ကျွန်တော့်ရဲ့အသက်တာက ကိုယ်တော်နဲ့ သွားလာနေတဲ့ အသက်တော်ဖြစ်တယ်။ အထက်အရပ်ကိုပဲ မျှော်လင့်နေသော အသက်တာဖြစ်တယ်။

ဦးစားပေး ဆိုတဲ့အချက်ရှိပါတယ်။ လုပ်ကိုင်စရာ၊ လုပ်ပေးစရာ အများကြီးရှိပေမဲ့ ဦးစားပေးမှုကတော့ တစ်ဦးတည်းရှိရမှာ ဖြစ်တယ်။ ကောင်းကင်နဲ့ဆိုင်တဲ့အရာကို အမြဲတမ်းမျှော်လင့်ရန် ဖြစ်ပါတယ်။ အထက်အရာတို့အပေါ်မှာသာ စွဲလမ်းခြင်းရှိစေဖို့ရာ ထိုသခင်နှင့်အတူ ရှိနေခြင်း၊ သွားလာရခြင်းကို တောင့်တတတ်ဖို့ အရေးကြီးပါတယ်။ အရွယ်ပေါ်မူတည်ပြီး တောင့်တမှုများဖြစ်လာသည်။ ကလေးအရွယ်က အရုပ်၊ လူငယ်အရွယ်က စက်ဘီး၊ ထို့နောက် ရီးစားလိုချင်လာသည်။ ၁၀တန်းအောင်ပြီး ဘွဲ့ရသည့်နောက် အိမ်ထောင်ပြုဖို့၊ သားသမီးများအဖို့ ဦးစားပေးမှုများ ဖြစ်လာပါတယ်။ ယုံကြည်သူအဖို့ အခြားလိုအပ်တဲ့အရာများ ပြောင်းနေပေမဲ့ ဘုရားမျက်မှောက်တော်ရှေ့ ရောက်နေဖို့ အရေးကြီးပါတယ်။

စီးပွားရေး ဦးစားပေးလုပ်နေပေမဲ့ ဘုရားအတွက် ဖြစ်စေရပါမယ်။ မိသားစုအတွက် လုပ်နေပေမဲ့ ဘုရားသခင်နိုင်ငံတော်အတွက် ဖြစ်စေရမယ်။ ဒီကလေးကို ဘုရားသုံးနိုင်ဖို့ ဖြစ်မယ်ဆိုတာ သိထားဖို့ အရေးကြီးပါတယ်။ ရှင်ပြန်ထမြောက်ခြင်း လက္ခဏာကို သိဖို့ဆိုတာ သင်ဘာကိုစွဲလမ်းသလဲ ဆိုတာနဲ့ သိနိုင်ပါတယ်။

ကောလောသဲ ၃း၂-၄ ကိုဆက်ဖတ်ရင် အထက်အရာကိုသာ စွဲလမ်းကြလော့။ သင်တို့သည် သေနေသောသူ ဖြစ်၍ သင်တို၏အသက်သည် ခရစ်တော်နှင့်အတူ ဘုရားသခင်ဝှက်ထားလျှက်ရှိ၏။ ငါတို့သည်လည်း ထိုသခင်နှင့်အတူ ဘုန်းကြီး၍ထင်ရှားကြလတံ့ .. ဟု ရေးသားထားပါတယ်။

မောရှေက က္ကုသရေလတွေကို ခေါ်ထုတ်သွားပြီး၊ ၆သိန်းယောင်္ကျားများက ပြန်ချင်တယ်လုပ်တော့ ဘုရားသခင် စိတ်ဆိုးပါတယ်။ လမ်းတဝက်ကျမှာ ပြန်လှည့်ချင်သူတွေ ရှိလာပါတယ်။ ထာဝရအသက်ရမယ်ဆိုတာကို အနှောက်အရှက်၊ အဟန့်အတားများ ကောလောသဲ ၃း၅ မှာရေးထားပါတယ်။ မလုပ်ရမဲ့အရာများကို တခါတရံ အလိုအလျောက်သိပါတယ်။ မတရားသောမေထုန်၌ မှီဝဲခြင်း၊ ညစ်ညူးစွာကျင့်ငြ်း၊ ကိလေသာပူပန်ခြင်း၊ ဆိုးညစ်သောတက်မက်ခြင်း၊ ရုပ်တုကိုကိုးကွယ်ခြင်းဖြစ်သော လောဘလွန်ကျူးခြင်း တည်းဟူသော မြေကြီးပေါ်မှာရှိသော သင်တို့၏ ကိုယ်အင်္ဂါတို့ကို သေစေလော့... ဟုမလုပ်သင့်သောအရာများကို ဖေါ်ပြထားပါတယ်။ ဂလာတိ ၅း၂၀ မှာလည်း ရေးထားပါတယ်။

ခရစ်တော်ကို ယူတင်ဝတ်ဆင်သူများ လုပ်ဆောင်ရမဲ့အရာများ၊ မလုပ်ဆောင်သူများဖြစ်တယ်။

မတရားသောမေထုန် .. ဘုရားသခင်ရှေ့မှာ အိမ်ထောင်မပြုပဲ ဆက်ဆံခြင်းကို လုံးဝမလုပ်ရဘူး။ လောကကြီးက ဒီကနေ့ အဲဒါ သဘာဝပဲလို့ ပြောကြသူများပေမဲ့ ဒါဟာ ဘုရားမကြိုက်နှစ်သက်တဲ့အရာဖြစ်တယ်။ ဘုရားသခင်က ဒီကိစ္စကို ခဏခဏ ပြောနေပါတယ်။ ဇတိကို ဖယ်ခြင်းဖြစ်ပါတယ်။ STOP ဆိုတဲ့ ကားလမ်းမပေါ်က ဆိုင်းဘုတ်ကို လိုက်နာဖို့ ဖြစ်ပါတယ်။ မလုပ်ပါနဲ့ ပြောထားတဲ့အခါ မိမိက ဝင်ခွင့်ပေးခြင်းအားဖြင့် အ မင်္ဂလာတွေ ဝင်လာကြတယ်။ ဓမ္မဟောင်း ယောရှုမှတ်စာမှာ အပြစ်ရှိသူကို ခဲနဲ့ပေါက်ပြီး စီရင်ကြပါတယ်။ အခုခေတ် ကျေးဇူးတော်ခေတ်ဖြစ်တဲ့အတွက် ကိုယ့်အပြစ်တွေကို ဝန်ချတောင်းပန်ခွင့်ပေးထားပါတယ်။ ဖေါ်ပြတောင်းပန်ခြင်းဖြင့် ကိုယ်တော်ရဲ့ ခွင့်လွှတ်ခြင်းကိုခံရပါတယ်။ ဒါကျေးဇူးတော်ခေတ်ပါ။ နောက်တစ်ခေါက် ဘုရားမကြိုက်တာကို လုပ်ချင်စိတ် လုံးဝမရှိအောင် ဘုရားကလုပ်ပေးလိုက်တာ ကျေးဇူးတော်ကာလ ဖြစ်ပါတယ်။

ဒီနေ့ ကျွန်တော်တို့ မှားတယ်။ ဝန်ခံလိုက်ပါ။

ကောလောသဲ ၃း၈ မှာတော့ ညစ်ညူးစွာပြောဆိုခြင်းကို နှုတ်ကတောင်မထွက်အောင် ပယ်လိုက်ပါ။ ကိုယ်တော်ဘုရား ကျွန်တော့်နှုတ်ကို ကယ်မပါ .. ဝန်ခံရင်၊ ဆပ်ကပ်ရင်.. ဆယ်ခွန်းမှာ ၃ခွန်းလောက်စတင် ကယ်မပါမယ်။ တဖြေဖြေး ၁ဝခွန်းလုံး ပြောနေကျကနေ မပြောတော့ဘူး ဖြစ်လာပါတယ်။ ငါက အရက်မသောက်တတ်ဘူး။ ငါက မလိမ်ဘူး။ ညစ်ညူးတဲ့စကားတွေ မပြောဘူး..... နေရာဟောင်းက သူငယ်ချင်းတွေက ... ဟာ မင်းက အရင်က ပြောတာပဲ.. ဆိုရင် ဟုတ်တယ် အရင်ကငါပြောတယ်။ အခုမပြောတော့ဘူး။ သူတို့က သင့်ကို ရှုံချပြောဆို၊ ခွာကျဉ်လိမ့်မယ်၊ ကိစ္စမရှိပါဘူး။ တနေ့ ဖြောင့်မတ်စွာနေထိုင်တတ်တဲ့ သင့်ကို သူတို့ပြန်ပြီး နားလည်၊ခေါ်ပြောလာကြမယ်ဖြစ်ပါတယ်။ အဲဒီ လောကထဲက သင့်ကိုဆွဲထုတ်ပြီး ဝမ်းမြောက်ခြင်းဝင်လာလိမ့်မယ်ဖြစ်ပါတယ်။

မြန်မာတွေ ဘန်ကောက်မှာ အလုပ်ပြောင်းချင်ရင်၊ လစာပိုကောင်းတဲ့နေရာ ပြောင်းချင်ရင်၊ အိမ်ပြန်မယ်၊ အမေနေမကောင်းဘူး..လိမ်ပြောပြီး အလုပ်ပြောင်းတယ်။ အားနာလို့ လိမ်ပြောရတာတွေ လူတိုင်းလုပ်ကြတယ်။ ခရစ်တော်ကို ရရင် ဒါမျိုးတွေ မလုပ်တော့ပဲ၊ အလုပ်ရှင်နဲ့ သစ္စာနဲ့ အလုပ်လုပ်သူဖြစ်လာပါမယ်။

မပေးမကမ်း၊ လာဘ်မထိုးရင် မဖြစ်ဘူး ဆိုတာတွေ အများကြီးရှိပါတယ်။်သို့သော် ရပ်တည်ကြည့်ပါ။ ရပ်တည်တဲ့သူကို ဘုရားသခင် ချီးမြှောက်မယ် ဖြစ်ပါတယ်။ ဟာလေလုယ....။ ခရစ်တော်သည် သင်နဲ့အတူ ရှင်ပြန်ထမြောက်တယ်..ဆိုတဲ့အသက်တာကို သင်ရရှိတဲ့အခါ .. ဟေ့၊ ငါက ရှင်ပြန်ထမြောက်တဲ့အသက်တာမှာ လိုက်လျှောက်သူဖြစ်တဲ့အတွက် ငါက မညာဘူးကွ.. လို့ပြောနိုင်သူဖြစ်လာပါမယ်။ ကောလောသဲ ၃း၉ မှာ အချင်းချင်း အချင်းချင်းမုသာစကား မပြောနဲ့လို့ ရေးထားပါတယ်။ သုတ္တံ ၁၂း၂၂ မှာလည်း မုသာနဲ့ပတ်သက်တဲ့ စကားရှိပါတယ်။ မုသာသုံးသော နှုတ်ခမ်းကို ထာဝရဘုရား စက်ဆုတ်ရွံ့ရှာသည် ..ဟု ရေးထားပါတယ်။ သစ္စာတရားကို စောင့်ရှောက်သောသူမူကား နှစ်သက်တော်မူဘွယ် ဖြစ်ကြသည်။

မုသာမပါ၊ လင်္ကာမချော ...ဆိုတဲ့စကားဟာ ကျွန်တော်တို့ ယုံကြည်သူတွေနဲ့ မကိုက်ဘူးလို့ ပြောပါမယ်။ လောကသားများအတွက် မှန်ကောင်းမှန်ပါမယ်။ ဒါပေမဲ့ ရှင်ပြန်ထမြောက်ခြင်းတန်ခိုးနဲ့ လိုက်လျှောက်သောသူတွေအတွက် မမှန်ပါဘူး။ ဟာလေလုယ...။

နောက်ဆုံး ကောလောသဲ ၃း၁၀မှာ သင်တို့သည် လူဟောင်း၏အကျင့်တို့နှင့် လူဟောင်း၏ကိုယ်ကို ချွတ်ပယ်၍ ဖန်ဆင်းတော်မူသောသူ၏ ပုံသဏ္ဍန်နှင့်အညီ ..လူသစ်ကိုယူတင်ဝတ်ဆင်စေမယ်ဖြစ်ပါတယ်။ ဒါတွေကို သြဝါဒလို့ခေါ်ပါတယ်။ မလုပ်နိုင်ဘူး ... ထင်ပေမဲ့ ၊ မထင်ပါနဲ့၊ သန့်ရှင်းသောဝိညာဉ်အားဖြင့် လူသစ်ကို ယူတင်ဝတ်ဆင်နိုင်ပြီး ဝမ်းမြောက်ခြင်းကို ရရှိမယ်ဖြစ်ပါတယ်။ မတရားသောမေထုန်ထဲမှာ ကိုးလို့ကန့်လန့် ဖြစ်နေသူများ ဝိညာဉ်တော်အားဖြင့် အောင်မြင်သွားမှာဖြစ်ပါတယ်။ သို့မဟုတ်ရင် မလွတ်ဘူးနော်... ။ သန့်ရှင်းသောဝိညာဉ်တော်ဘုရားရဲ့ တန်ခိုးတော်ကို ခံယူပြီးသွားရင် လွတ်သွားပါတယ်။ အဲဒါက ကျေးဇူးတော်ကာလရဲ့ ကောင်းကြီးမင်္ဂလာဖြစ်ပါတယ်။

နှုတ်ကပတ်တော်ကို သိပြီး၊ ဝိညာဉ်တော်အားဖြင့် လိုက်လျှောက်နိုင်သောအသက်တာ အဖြစ်ကို ပြင်ဆင်ကြရအောင်။ ကျေးဇူးတော်ကာလဆိုတာ ကျေးဇူးတော်ကလွဲလို့ ဘာမှမရှိပါဘူး။ ဒီကနေ့ ဟာ ခရစ်တော်ရဲ့ သန့်ရှင်းသောဝိညာဉ်အားဖြင့် လွတ်ခြင်း ရရှိခြင်းဖြစ်ပါတယ်။

ခရစ်တော်ရဲ့ ရှင်ပြန်ထမြောက်ခြင်းအသက်တာ၊ ကောင်းကင်ကိုပဲ မျှော်ကြည့်တဲ့အသက်တာ၊ ကိုယ်ရဲ့မြို့၊ ရွာ၊ တိုင်းပြည်မှာ ကောင်းကြီးခံစားဖို့ ဘုရားသခင်အလိုတော်ရှိပါတယ်။ နှုတ်ကပတ်တော်ကို ခံယူတုံပြန်ခြင်းအားဖြင့်သာ ရှိပါတယ်။ တခြားနည်းမရှိပါဘူး။ လောကကြီးက အပေးအယူလုပ်ပေမဲ့ သင်က ကိုယ့်ကိုယ်ကို ငြင်းပယ်သောသူဖြစ်ရပါမယ်။ အယောက်စီတိုင်းကို ဘုရားသခင်ကောင်းကြီးပေးပါစေ...။